Uzdiplomat | Расмий канал
Японияда ҳайдовчилар учун маоши 2000 доллардан юқори бўлган иш таклиф этилмоқда
Миграция агентлиги ҳамда Япониянинг
“Proud Partners”
компанияси ҳамкорлигида Японияда ҳайдовчилик соҳасида ишлаш имкониятлари бўйича янги лойиҳа бошланаётганини
эълон қилди.
Маълум қилинишича, лойиҳа доирасида номзодлар жорий йил
16 февралдан
бошлаб
Тошкент вилоятининг Ангрен шаҳрида
ташкил этиладиган
6–8 ойлик бепул ўқув курсларида
қатнашади. Ўқув жараёни давомида иштирокчилар ётоқхона билан таъминланади.
Лойиҳа бўйича
100 нафар етказиб берувчи ҳайдовчи
ишга қабул қилиниши режалаштирилган. Саралаш жараёнлари
28–30 январь
кунлари онлайн суҳбат шаклида амалга оширилади. Иш фаолияти Япония ҳудуди бўйлаб ташкил этилади.
Танловда
“B” ёки “BC” тоифадаги ҳайдовчилик гувоҳномасига эга
,
21–35 ёш
оралиғидаги, интизомли ва хавфсизлик қоидаларига амал қилувчи фуқаролар иштирок этиши мумкин. Япон ёки инглиз тилини билган номзодларга устунлик берилади, дейилган эълонда.
Иш шароитларига кўра, ойлик маош
2000 АҚШ долларидан
бошланади. Белгиланган иш вақтидан ташқари бажарилган ишлар учун қўшимча ҳақ тўланади. Шунингдек, иш самарадорлигига қараб йилда икки марта моддий рағбатлантириш ҳамда йилда бир марта маош ошириш назарда тутилган. Иш жадвали — ҳафтасига беш кун, кунига саккиз соат.
Турар жой иш берувчи томонидан тақдим этилади. Ходим ойига
200 АҚШ доллари
миқдорида тўлов қилади, қолган харажатлар компания ҳисобидан қопланади. Овқатланиш харажатлари номзод ҳисобидан бўлиб, ойига ўртача
300 АҚШ доллари
ни ташкил этади.
Ишга қабул қилинган ходимлар авиабилет, ишчи виза, тиббий ва ижтимоий суғурта билан таъминланади. Барча харажатлар белгиланган тартибда компенсация қилинади.
Аввалроқ мамлакатда қишлоқ хўжалиги ва кексаларни парваришлаш йўналишида ишчи кучига эҳтиёж катта эканлигини айтилганди. Ҳозир мамлакатда 6 минг нафардан ортиқ ўзбекистонликлар вақтинчалик меҳнат қилмоқда.
Telegram
|
Instagram
|
You Tube
|
Facebook
|
X
🔴
Ўзметкомбинат» тақиққа қарамай 2,2 трлн сўмлик тўғридан-тўғри харидларни амалга оширди
Мазкур чеклов президентнинг 2021 йил 2 июлдаги қарори билан белгиланган. Ҳужжатга кўра, корпоратив буюртмачилар, шу жумладан, «Ўзметкомбинат» АЖ учун харидларни тўғридан-тўғри ёки тендер савдоларини ўтказмасдан амалга оширишнинг амалдаги тартиби расман бекор қилинган эди.
✔️
БАТАФСИЛ САЙТДА ЎҚИНГ!
Telegram
|
Instagram
|
You Tube
|
Facebook
|
X
🔴
Паоло Замполли
АҚШ Конституциясининг нусхасини Ўзбекистонга совға қилди
АҚШ ўз Конституциясининг нусхасини Тошкент шаҳрида жойлашган Ислом цивилизацияси марказига тақдим этди. Бу қадам Вашингтон ва Тошкент ўртасидаги ҳамкорлик ва умумий қадриятларни рамзий тарзда ифода этувчи дипломатик ишора сифатида баҳоланмоқда.
Ҳужжат АҚШнинг глобал ҳамкорлик бўйича махсус вакили, элчи Паоло Замполли томонидан АҚШ президенти Дональд Трамп номидан топширилди.
Тақдимот АҚШда мамлакат ташкил топганининг 250 йиллиги муносабати билан нишонланаётган “Freedom 250” дастури доирасида амалга оширилди. АҚШ томонининг таъкидлашича, мазкур ташаббус орқали давлатнинг асосий тамойиллари — эркинлик, қонун устуворлиги, дин ва маданиятга ҳурмат каби қадриятлар халқаро миқёсда тарғиб қилинмоқда.
Ислом цивилизацияси маркази эса мазкур ҳужжатни икки давлат ўртасидаги маданий ва илмий ҳамкорликни мустаҳкамлашга қаратилган кенгроқ дипломатик мулоқот доирасида қабул қилди.
Бундай рамзий дипломатия одвтда АҚШнинг Марказий Осиёда “юмшоқ куч” орқали таъсирини кучайтириш ва ҳуқуқий-давлатчилик қадриятларини маданий ҳамкорлик воситасида илгари суришга уриниши сифатида баҳоланади.
Telegram
|
Instagram
|
You Tube
|
Facebook
|
X
uzdiplomat иқтибоси:
🖍
"Қанча давлат органи кўп бўлса, шунча иқтисодиёт юриб кетиши қийин бўлади".
Русланбек Давлетов,
Ўзбекистон президентининг маслаҳатчиси, собиқ Адлия вазири
2021 йил, октябрь
Telegram
|
Instagram
|
You Tube
|
Facebook
|
X
🔴
Ички ишлар тизимидаги икки собиқ раҳбар қамоққа олинди
Прокуратура “фавқулодда сукут” сақламоқда. Оммага очиқ ахборот берилмаяпти.
Uzdiplomat
сўровига прокуратура матбуот котиби Ҳаёт Шамсуддинов ва ИИВ маитбуот котиби Ғиёсов ҳам жавоб бермаган ва бу маълумотни инкор ҳам этмаган эди. Коррупцияга қарши фавқулодда кураш фавқулодда жимлик билан олиб борилмоқдами?
Президент коррупцияга қарши кураш фавқулодда тартибда бошланганини эълон қилган эди. Орадан кўп ўтмай, куч тузилмаларидаги икки юқори лавозимли амалдор — Ички ишлар вазирининг собиқ ўринбосари генерал-майор Бекмурод Абдуллаев ва Жазони ижро этиш департаментининг собиқ бошлиғи Рустам Турсунов қамоққа олингани ҳақида хабарлар тарқалди.
Kun.uz
манбаларига кўра, Рустам Турсуновга нисбатан жиноий иш қўзғатилган ва у эҳтиёт чораси сифатида қамоққа олинган. Шунингдек, Бекмурод Абдуллаевга нисбатан ҳам тергов бошланган ва у ҳибсга олинган.
Расмий идоралар эса ҳозирга қадар бу икки ҳолат бўйича ҳам айблов мазмуни, иш моддалари ёки терговнинг аниқ йўналишлари ҳақида жамоатчиликка тўлиқ маълумот бергани йўқ.
Telegram
|
Instagram
|
You Tube
|
Facebook
|
X
🔴
ТИВ: Истанбулда чиқинди қутисидан топилган ўзбекистон фуқароси жасади иши бўйича икки нафар гумонланувчи ушланди
❗️
Қотилликда гумонланувчилар ҳам ўзбекистонлик экани айтилмоқда
Ташқи ишлар вазирлиги Истанбулда Ўзбекистон фуқаросининг ўлдирилиши бўйича расмий муносабат билдирилди
Маълум қилинишича, 2026 йил 24 январь куни соат 19:40 атрофида Истанбул шаҳрининг Шишли туманида чиқиндилар орасидан буюм тўплаб юрган шахс контейнер ичида ўралган жасадни кўриб, бу ҳақда ҳуқуқни муҳофаза қилувчи органларга хабар берган. Дастлабки кўрик жараёнида жасаднинг бош қисми мавжуд эмаслиги аниқланган.
Бош консулхона томонидан маҳаллий ҳуқуқни муҳофаза қилувчи органлар, суд-тиббий экспертиза маркази ҳамда прокуратура билан ҳамкорликда ўтказилган текширувлар натижасида марҳуманинг шахси Ўзбекистон Республикаси фуқароси Ҳакимова Дурдона экани тасдиқланган.
Мазкур жиноят иши доирасида Ўзбекистон Республикасининг икки нафар фуқароси қўлга олинган. Улар Туркиядан Грузияга авиарейс орқали қочишга уриниб, аэропортда ушланган.
Бош консулхона дипломатлари марҳуманинг оила аъзолари билан боғланиб, уларга зарур консуллик-ҳуқуқий ёрдам кўрсатмоқда.
Ҳодиса бўйича олиб борилаётган тергов-суриштирув ишлари Бош консулхона назоратига олингани билдирилди. Қўшимча маълумотлар расмий манбалар орқали тақдим этиб борилиши маълум қилинди.
Ўзбекистон Республикасининг Истанбул шаҳридаги Бош консулхонаси марҳуманинг оила аъзолари ва яқинларига чуқур ҳамдардлик билдирди.
Telegram
|Instagram
|
You Tube
|
Facebook
|
X
🔴
“Россия яратган робот ҳам маст россияликни эслатади”
✔️
“Москва ва Санк-Петербургсиз Россиянинг Мозамбикдан фарқи қолмайди”
🎥
Батафсил
Илмий йўналишларда ҳамма давлатлар билан шартнома тузилади. Ишлашга келганда асосий эътибор Россияга бўлади. Чунки аксар ректорлар, раҳбарлар рус тилида ишлайди ва рус тарбиясини олган, дейди профессор Зарифбой Ибодуллаев.
Профессорнинг айтишича, Ўзбек жамиятини бир организм деб қаралса, русча боғчаларнинг кўплиги унинг оёқларига ташланган кишан. Русча олий ўқув юртларининг кўплиги шу организм қўлига ташланган кишан. Илмий кенгашларнинг рус-тилида эканлиги бўйинга ташланган кишан. Мана шу уч занжирни тортса организм қулаб тушади.
Telegram
|
Instagram
|
You Tube
|
Facebook
|
X
«Кўча» зўравонлардан тозаланмоқда
Ўзбекистонда жамоат хавфсизлигини таъминлаш мақсадида ДХХ ва ИИВ ҳамкорлигида қатор ҳудудларда тезкор-қидирув тадбирлари ўтказилди.
Андижон шаҳри ва Олтинкўл туманида 1995, 1998 ва 2002 йилларда туғилган шахслар ўзларини ҳуқуқни муҳофаза қилувчи орган ходимлари сифатида таништириб, 2004 й.т. фуқарони автомашинага мажбурлаб ўтқазган. Улар товламачилик йўли билан жабрланувчининг
100 минг АҚШ доллари миқдоридаги криптовалютасини
ўзлаштириб, унга
160 минг қалбаки АҚШ доллари
берган.
Сурхондарё вилоятида Денов шаҳрида яшовчи, муқаддам судланган шахс Тожикистон фуқаросини ноқонуний ушлаб туриб, қарз масаласи баҳонасида унга оғир тан жароҳати етказган. Унга нисбатан қамоқ эҳтиёт чораси қўлланилди.
Хоразм вилоятида Урганч, Хива ва Боғот туманида «кўча ечими» билан шуғулланган шахслар ушланиб, уларга нисбатан жиноят ишлари қўзғатилди.
Шунингдек, Янгиариқ туманида қимор ўйинлари ташкил этилган хонадондан
32 млн сўм
пул мусодара қилинди, Андижон вилояти Жалақудуқ туманида эса
20 кг 400 гр марихуана
сақлаган шахс фош этилди.
Барча гумонланувчилар қўлга олиниб, жиноят иши қўзғатилди.
ДХХ хабарида Ҳуқуқ-тартибот идоралари жиноятчиликка қарши курашни қатъий ва изчил давом эттириши айтилган.
Telegram
|
Instagram
|
You Tube
|
Facebook
|
X
uzdiplomat иқтибоси:
🖍
“Ёмон ҳукумат фуқароларидан қўрқади, яхши ҳукумат уларни ҳурмат қилади”.
Томас Жефферсон,
АҚШнинг 3-Президенти
Telegram
|Instagram
|
You Tube
|
Facebook
|
X
🔴
44 нафар ўзбекистонлик АҚШдан депортация қилинди
❗️
Улар орасида АҚШга Мексика орқали бориш учун 80 минг доллар сарфлаб қайта депортация қилинганлар бор
«Dunyo» ахборот агентлиги хабарига кўра, АҚШдан Ўзбекистонга 44 нафар Ўзбекистон фуқароси қайтарилди.
Юртга қайтган фуқаролар агентлик мухбирига берган интервьюларида АҚШга Мексика орқали ноқонуний йўл билан етиб бориш уриниши уларга 30 минг доллардан 80 минг долларгача маблағга тушганини маълум қилишди. Уларнинг айтишича, сафар бир неча ой давом этган, йўл давомида фирибгарлик, зўравонлик, оғир яшаш шароити ва ҳуқуқий ҳимоянинг йўқлиги каби жиддий муаммоларга дуч келишган.
Уларнинг аксарияти АҚШда ушланиб, депортация қилинган.
Эслатма, 2025 йил 7 сентябрь куни АҚШда ноқонуний яшаётган 39 нафар Ўзбекистон фуқароси депортация қилинган эди.
Telegram
|
Instagram
|
You Tube
|
Facebook
|
X