Turakulov | Mutolaa

📚
Rahimov School’da Kitob Festivali!
🟢
Rahimov School
maktabi mashhur kitob brendlari bilan birgalikda katta kitoblar festivali o‘tkazmoqda. Aynan shu kunda siz eng sara va bestseller kitoblarni maxsus chegirmalar bilan xarid qilish imkoniyatiga ega bo‘lasiz!
📖
Festivalda sizni nimalar kutmoqda?
• Yangi va bestseller asarlar;
• Bolalar adabiyoti;
• Chegirmali takliflar;
• Kitobsevarlar uchun ijodiy, iliq atmosfera
🎙
Tadbirning eng muhim qismida maktab asoschisi
Aziz Rahimov
bilan
“Farzandimni kitob o‘qishga qanday qiziqtiraman?”
mavzusida
seminar
boʻlib oʻtadi!
📅
Qachon?
29-noyabr | Shanba
📍
Qayerda?
Rahimov School, Ibn Sino filiali
⏰
Festival davomiyligi:
09:00 — 18:00
Kirish BEPUL, lekin joylar soni cheklangan!
Roʻyxatdan oʻting
👈
🎉
Festivalda koʻrishguncha!
@RahimovSchool
|
@HilolNashr
|
@qamarbooks
|
@asaxiybooks
|
@falaqnashr
|
@akademnashr
|
@iBook_uz
|
@kalibr_books
|
@sarmoyabooks
|
@farengeyt_press

🩷
🩷
🩷
Farzandingiz uchun eng katta sovg'a – bu SIZ!
🫵
💜
💜
💙
Yosh oilalarga va yaqinda turmush qurmoqchi bo'lgan yigit-qizlarimiz uchun oilaviy kursimiz!
❤️
❤️
❤️
"MONTESSORI 0-3 YOSH " OTA-ONALAR UCHUN
kursiga qabul ochiq!
Qabul 20-noyabrgacha
!
💜
💜
💜
Kursda o'zim ham:
"Raqamli dunyoda farzand tarbiyasi" darslar silsilasida va savol-javoblar qismida ishtirok etaman.
🩷
🩷
🩷
Kursimiz 1+1, ya'ni oilada bir kishi sotib olsa turmush o'rtog'iga bepul.
Manzilimiz:
@englishmontessori_withmykids
Hurmat bilan,
Valijon Turakulov
@v_turakulov

Tavoze’
Kel, ey nafs, ochmag’il ko’z har qayona,
Yo’q ermish e’timod ushbu zamona.
Muyassar bo’lsa sanga tillodin taxt,
O’zungdin pastga zinhor aymog’il saxt.
Agar bersa jahon sultonlig’i dast,
Kishi o’z holini bilmak kerak past.
So’fi ALLOHyor r.a.
@Muhammadali_Eshonqulov

Bu mening dadam!
Joyingiz jannatda bo'lsin, dadajon! Duolaringiz uchun tashakkur!

Do'stim, professor Valijon
Turakulovning
otasi olamdan o'tib qolibdilar. Alloh taolo rahmatiga olsin.
Iltimos, haqlariga xayrli duo qilsangiz.
Ta'ziya marosimlari Farg'ona viloyati, Bag'dod tumani, Xitoy qishlog'idagi uylarida bo'ladi.
@GiyosiddinYusuf

Kompyuter klaviaturasida istalgan tugmani bosish ehtimoli 1/104, ya’ni 0.009 ga teng (104 talik standard klaviaturani hisobga olsak). Juda kichkina raqam. Ammo o‘sha tugmani bosmaslik ehtimoli 0.99 ga teng. Birinchisidan qariyb yuz barobar katta.
Hayot ham shunday: xato qilish ehtimoli bor, lekin xato qilmaslik imkoniyati undan yuzlab marta kattaroq bo'ladi. Shunchaki bir marta sabr qilish, bir marta Enter tugmasini bosmaslikning o‘zi kifoya (edi!).
Ko‘p pushaymonlarimiz tugma bosishdan emas, bosilmasligimiz kerak bo‘lgan tugmani bosishimizdan boshlanadi.
Aslida esa masala yanada chuqurroq: gap faqat “bosish (0.009) yoki bosmaslik (0.99)” da emas. Gap o'sha vaqtda qayerda bo‘lishimizda. Atrofimizda millionlab imkoniyatlar bor bir vaqtda kompyuter qarshisida o‘tirishning o‘zi qilish yoki qilmaslik ehtimollari ichida eng yomon tanlov bo‘lishi mumkin, axir (bir taqsim million vs. uning aksi).
Savolni to'g'ri qo'ying:
Qaysi tugmani bosay ekan?
❌
Nega shu tugma qarshisidaman?
✅
@v_turakulov_stories

Erta tong. Shahar erinibgina ko‘z ishqalaydi...
Qo‘limda mehr bilan tayyorlab berilgan tushlik sumkacham. Orqamda kompyuter va kitoblar bilan yelkamga og‘irlik berayotgan ryukzak. Ha, kuzning og‘ir nafasi allaqachon shahar binolari orasidan ’kelaveraymi’ degandek mo‘ralay boshlabdi. Daraxtlar ham sekin-asta ’vaqti keldi’ degandek barglaridan xolos bo‘lishga kirishibdi...
Kichik bo‘lsa-da so‘limgina bo‘lgan Mirzo-Ulug‘bek bog‘i oldidan o‘tar ekanman, negadir uning bag‘rida, toza havoda, daraxtlarning omonat barglari bilan so‘ngi marotaba diydorlashgim, ularga ayriliq tasallisini bergim keldi. Butalar orasida oltin kuz barglaridek yaltirab ko‘rinib turgan o‘rindiqlardan biriga cho‘kib, kecha hadya o‘laroq qabul qilganim "Good to Great" kitobini tezroq varaqlagim, ko‘pchilik tomonidan tavsiya qilingan ushbu ’bestseller’ kitobning insaydlarini tabiat qo‘ynida bir zum bo‘lsa-da tatib ko‘rgim kelib ketdi.
...ana, hu anovi yerda, bir qariya, xuddi, yozi o‘tgan kuz fasli misol hassasiga suyanib sayr qilmoqda. Uning yonidan esa go‘yo qariyaning havasini keltirib (sovuq bo‘lsa-da shortik kiyib olgan) bir yosh yigit tez-tez yurib o‘tib bormoqda. Bir rus yigit itini sayrga olib chiqibdi. Ruschalab unga nimalarnidir uqtirmoqda... Ha, mayli, chalg‘imay! Kitob o‘qigani to‘xtagan edim-ku.
Kitobni sumkamdan olar ekanman, uning ’orginal’ ekanligini sezaman. Qavariq (3D) usulda bosilgan muqovasi, ko‘zni charchatmaydigan unchalik ham oq bo‘lmagan varaqlari, oson ochiladigan egiluvchan shakli... Kitobni ochaman. ’How to read a book’ kitobida tavsiya qilinganidek, o‘qishdan oldin kitobni (xuddi bozorda tarvuz tanlayotgan xaridor misol) yaxshilab sinchiklab ko'rib chiqaman.
Ha, bu kitob ham shunday ekan: Ko‘pgina ’bestseller’ kitoblardek ushbu kitob ham ilmiy tadqiqotlar asosida yozilgan ekan. Kitob boshida muallif Jim Collins ushbu kitobga hissa qo‘shgan tadqiqot jamoasini, har bir talaba shogirdini ismma-ism sanab o‘tibdi. Tashakkurlar etibdi!
Ha, professor Jim ham shunday ekan: Ko‘pgina nomi chiqqan ustozlardek shogirdlari bilan yaqindan ishlar ekan. Balki, hikmati bordir: bugun kirib Telegramda birinchi ko‘rgan tabrigim
ushbu bo‘ldi
. Prof. Alisher Umirdinov bekorga o‘z tabrigiga ’Orzudagi professor’ kitobi rasmini ilova qilmaganlar. Kitobning asosiy g‘oyasi — bu butun boshli ikkinchi bo‘limida aks etgan: ’Talaba bilan ishlash’ bo‘limi. Balki, hikmati bordir: uch million(!) nashrda chop etilgan ushbu kitobning muallifi ham shogird talabalari bilan mana shunday asarni insoniyatga taqdim etganini erta tongda o‘qish... va uni tafakkur qilish, menga yana bir bor ustoz-shogird masalasining naqadar muhim ekanligini ko‘rsatib berdi. Belgi bo‘ldi.
Aziz ustoz hamkasblar!
Unutmang! Bizning ustoz ekanligimiz shogirdlarimiz bilan yuzaga chiqadi. Nomimiz ham shogirdlarimiz bilan abadiylashadi. Balki biz ekkan urug‘imizning mevasini ko‘rmasmiz, kuz faslining barglari misol bahor mevalariga o‘g(’)it bo‘larmiz... Va ayni shu narsa ustozlikning faxri emasmi asli?!
Bayram muborak, hamkasblar!
Valijon Turakulov
@v_turakulov_stories

O‘zimning yo‘limga undamayapman,
Uqtirmayapman-ku falsafamni ko‘p.
Meni tushunmaysan, indamayapman,
Seni tushunmasam, xafa bo‘lma, xo‘p?!
Sening ishing menga xatodir, xato,
Kulgingga sababchi men tushungan g‘am.
Yo‘llarimiz tersdir shu qadar, hatto
Kesishib qolmaydi ro‘yolarda ham.
Poyingga tillodan sochqi sochsalar,
Ishga tushmas hatto ko‘z qirim mening.
O‘ngimda uchragan sof mo‘jizalar
Hatto tushlaringga kirmaydi sening.
Butkul bo‘lak olam! Shunaqamiz biz,
Taassufki, dilda o‘zgacha niyat:
Sen mening baxtimni etolmassan his,
Sening baxting menga sanalar uyat.
Muallif: Xayrulla Hamidov
@v_turakulov_stories

Yozib to'ldirgan daftarlarimiz yo'qolib ketar. Yozaverish ortidan kuchaygan tafakkurimiz biz bilan qoladi.
Ba'zi ishlar faqat natijasi bilan emas, jarayoni bilan ham foyda olib keladi.

Siyosatchi
Hamid Sodiq
tomonidan tarjima qilingan kitoblar ekan. (O'zlarining ruxsatlari bilan).
Endi bizda bahona qolmadi.
P.S. Yaqinda Falastin kitobini boshladim. Qisqa qilib aytganda albatta o'qib chiqadigan yoki eshitib chiqadigan kitoblardan biri ekan.
@v_turakulov_stories