ULUL ALBAB - The People of Intellect

O'qishi boshlanayotgan yigit-qiz!
Yaqinda o'qishlar boshlanadi.
Ko'chalar tirband, odamlar asabiy.
Avtobusda yurasan, metroga tushasan yo taksiga chiqasan,..
Balki mahalliy, balki xorijiy universitet, maktabga o'qishga borarsan...
Har xil holat, har xil kiyingan, har xil madaniyatlarni ko'rarsan...
Ba'zi
#eslatma
larni lozim tut:
1️⃣
Axloq va taqvo:
- Farzlarga mahkam tur va Allohdan yordam so'ra.
- Til va qalbni asra. Ashula o'rniga foydali narsalar tingla.
- Qadriyatlaringga sodiq qol.
- Ko'zingni tiy. Yerga qarab yurishni hozirdan mashq qil.
- Nomahram bilan zaruratdan tashqari munosabat qilma. Fitnadan saqlan. Halol halolligicha, harom haromligicha qoladi - kim qilsa ham.
2️⃣
Ilm va ta'lim:
- O'qish-o'rganishga jiddiy e'tibor qarat. Eng oldi talabalardan bo'l.
-
Kontrakt/grantni
vaqtingni, ilming qiymatini oqla.
- Ko'p gapirma. O'zingni aqlli ko'rsatma. Katta ketma.
- Ilmni amaliy qo'llash harakatini qil.
- Ustozlaringni hurmat qil, ilm yuqadi. Qalin aloqa qur. Savollar so'ra, maslahat ol.
3️⃣
Sog'liq:
- Uyquni tartibla. Vaqtli yot, vaqtli tur.
- O'qishga ketguncha tonglaringdan barakani ol.
- Nonushta qil. Aqliy va jismoniy sog'lig'ing uchun.
- Tanaffuslarda energiya to'plab ol.
4️⃣
Shaxsiy rivojlanish:
- Universitetda va undan tashqari rivojlanishga harakat qil.
- Tizim, tartib, dekanat, tadbirlar qiziqishingni so'ndirmasin. Muhim narsaga e'tibor qarat.
- Doim kerakli kitoblar o'qib yur.
- Do'st va doirangni ehtiyot bo'lib tanla. Yaxshi insonlardan tanishlar orttir.

O'qishga kirolmaganlar umidni kesmasin.
Oliy maqsadi, vazifasi va kasbini topishga ertaroq kirishsin.
©
ULUL ALBAB yozdi

Ey, Odam bolasi! Sabr qil yo halok bo'l.
-
Hasan Basriy rohimahulloh
©
ULUL ALBAB yozdi

Minimalizm baxtli his qildiradi.
Chunki unda xohlamaslik tanlov bo'ladi.
"Not wanting something is as good as having it"
(Naval).
Bir narsani xohlamaslik uni qo'lga kiritishdek yoqimli (bo'lishi mumkin).
- Boshqalar qiynalib qimmat telefon ololmasa, siqiladi. Siz esa qimmat telefonni xohlamaysiz ham.
- Hashamatli uylar qurish uchun ishlaydi. Siz esa hashamatli uy xohlamaysiz ham.
Odatda odamlar moddiy erishgan narsasi ularni baxtli qiladi, deb o'ylaydi. Aksi bo'lib chiqadi. Chunki asli qadri past bo'lgan narsalarni o'ta qadrlab yuborgan bo'ladi. Qadrlilariga esa ahamiyat qaratmagan bo'ladi.
Unchalik muhim bo'lmagan narsalarni xohlamaslikni o'rganishimiz lozim.
O'z tanlovimiz bilan.
©
ULUL ALBAB yozdi

Ichingiz ravshan bo'lsa, tashqari sizga zarar berolmaydi.
Tizim qurib olsangiz, atrofdagilar uni buzolmaydi.
Ishonchingiz qat'iy bo'lsa, shubhalar uni sindirolmaydi.
Xotirjamligingiz ichkarida bo'lsa, odamlar uni ololmaydi. (Alloh izn bermaguncha).
©
ULUL ALBAB yozdi

Kishi o'ziga qilishi mumkin bo'lgan eng katta yaxshiliklardan biri - o'zini birovga solishtirmaslik;
Solishtirib, hasad qilmaslik.
Soxta havaslarga berilmaslik.
Internetda ko'rsatilganiga aldanmaslik.
Ko'rib, salbiy ta'sirlanmaslik.
Ta'sirlansa, uning omilidan uzoqlashsin.
Har xillikdan bahra ola bilsin.
Allohning rizq taqsimotidagi irodasiga shubha qilmasin.
Shukr ila o'ziga yetgan ne'matlar bilan band bo'lsin.
©
ULUL ALBAB yozdi

Olijanoblik...
Vahb ibn Munabbih hibsga olindilar. Zindondagilardan biri: "Ey Abu Abdulloh, sizga bir bayt she'r o'qib beraymi?", dedi. Vahb javoban: "Biz Allohning azobi yoqasidamiz, Alloh taolo aytadiki: *
Batahqiq, ularni azob bilan tutdik, bas, ular Robbilariga bo'yin ham egmadilar, tazarru ham qilmadilar
(23:76)", dedilar va ro'za tuta boshladilar. Ro'za ketma-ket uch kun davom etdi.
Bundan hayratlanib so'rashdi: "Ey Abu Abdulloh, bu qanday ro'za bo'ldi?
U zot: Bizga (uqubat) tanishtirildi, biz ham (ibodatda ziyodalikni) tanishtirdik", dedilar.
(Tafsir ibn Kasir, 371)
Uqubat yetsa, solih amalni ziyoda qiling.
Allohga itoatsizlikni ko'rsangiz, siz itoatingizni ko'paytiring.
Birov sizga zulm qilsa, siz birovga ko'proq yaxshilik qiling.
Sizga yordam berilmagan bo'lsa, siz yordam bering.
©
ULUL ALBAB yozdi

Har narsada muvaffaqiyat uchun sizga kerak eng muhim omillar:
1. Allohdan tavfiq - doim.
2. Xohish va g'ayrat - boshlash uchun.
3. Muhabbat va ixlos - savob va rag'bat yo'qolmasligi uchun.
4. Tizim va sabr - to'xtamaslik, davomiylik uchun.
5. Ilm - asos bo'lishi uchun.
6. Ustoz - namuna bo'lishi uchun.
7. Duo - baraka, madad va samaradorlik uchun.
8. Himmat - keyingi darajaga chiqolish uchun.
Ish, ilm va/yo amalda bular bo'lmagani uchun oqsayotgan bo'lishimiz mumkin.
©
ULUL ALBAB yozdi

#eynafs
, faqatgina Alloh seni sinaganida emas, balki ne'matlantirgan onida ham "nega men?" deyishni o'rgan endi!
©
ULUL ALBAB yozdi

Hayot qisqa
Yomon ko'rishga.
Gina-kudurat saqlashga.
Kechirmaslikka.
Negativ kommentariyalar yozishga.
Kimningdir nomini bulg'ashga.
O'zidan boshqa hammani ayblashga.
Urishishga, talashishga, vaqtlarni uvol qilishga.
Ko'zimizni ochaylik, iblisning nayranglari-ku bular.
"Uch kunlik" foniy dunyoga nega keldigu, vazifamizni qanday unutdik.
Yaxshi ko'rib, yaxshisini ko'rib, yaxshisini g'amlab yashashga ulgurib qolish kerak.
Bugun amal bor, hisob yo'q; ertaga hisob bor, amal yo'q.
©
ULUL ALBAB yozdi

Taqvo uch darajadir:
1. Qalbni gunoh va haromlardan to'sish.
2. Qalbni makruh bo'lganlardan to'sish.
3. Qalbni ortiqcha va o'ziga tegishli bo'lmaganlardan to'sish.
Birinchisi bandaga hayot baxsh etadi.
Ikkinchisi sog'lig'i va quvvatiga foyda bo'ladi.
Uchinchisi xursandchilik va surur beradi.
- Ibnul Qoyyim rohimahulloh
©
ULUL ALBAB yozdi