🕌🕌"Хазрати Усмон" жоме масжиди🕌🕌

ҚЎЛИНГИЗДАН КЕЛАДИГАН 20 ТА ФОЙДАЛИ ИШ
Соғлом турмуш тарзига эришиш учун психологлар 20 та фойдали ишни тавсия этишган:
1. Доим бир вақтда ухланг, бир вақтда уйғонинг
2. Нонушта, тушлик, кечки овқатни ҳар куни бир вақтда тановул қилинг
3. Бир суткада 8 соатдан кўп ухламанг
4. Ётишдан олдин тоза ҳаводп пиёда юринг
5. Кун давомида камида 1,5 литр сув ичинг
6. Ҳар куни мева-сабзавот енг
7. Ётишдан олдин бир стакан қатиқ ичинг
8. Бир кунда компьютердан 2 соатдан ортиқ фойдаланманг
9. Ташқи кўринишингизга эътибор беринг
10. Саҳарда югуринг ёки пиёда юринг
11. Спорт билан шуғулланинг
12. Табассум қилинг
13. 5 та янги сўз ўрганинг
14. Ҳар куни уйингизни тартибга солинг, кераксиз нарсалардан воз кечинг
15. Эрталабки бадантарбияни унутманг
16. Янги нарса ўрганишга ҳаракат қилинг, бугунингиз кечагисидан фарқ қилсин
17. Ҳар куни камида 10-15 бет китоб ўқинг
18. Ўзингизда сабр-қаноат фазилатини шакллантиринг
19. Инсонларга чиройли муомалада бўлинг
20. Фақат яхши ният қилинг
"Бахтли ҳаёт сари" китобидан
@xazrati_usmon

СЕН АЛЛОҲ ҲУЗУРИДА ҚИММАТСАН!
Саҳрода Зоҳир исмли бир бадавий яшар эди. У саҳродан Мадинага у-бу нарса олиб келиб сотар эди. Сўнгра аҳли-оиласига лозим бўлган нарсаларни Мадинадан олиб уйига қайтар эди.
Набий саллоллоҳу алайҳи ва саллам уни яхши кўрар, уни эркалаб, илтифот қилиб турар эдилар. Зоҳир қачон Мадинага келса Набий саллоллоҳу алайҳи ва салламга совға олиб келар эди. У саҳрога қайтаётганида Набий саллоллоҳу алайҳи ва саллам уни кузатиб қўйиб бирор ҳадя бериб юборар эдилар. У ҳақида Набий саллоллоҳу алайҳи ва саллам:
- "Зоҳир бизнинг саҳромиз, биз эса унинг шаҳримиз", дер эдилар. Яъни, у саҳродан бизга керакли нарсаларни келтиради, биз ҳам унга шаҳардан керакли нарсаларини бериб юборамиз, демоқчи бўлар эдилар.
Зоҳир жуда ҳам бадбашара эди. Аммо унинг кўксида асал каби ширин қалби бор эди.
Бир куни у матоларини сотаётганида ортидан Набий саллоллоҳу алайҳи ва саллам сездирмасдан келиб, ҳазиллашмоқчи бўлиб қучоқлаб олдилар. Шунда Зоҳир:
- Ким бу, қўйиб юбор!-деди.
Расулуллоҳ саллоллоҳу алайҳи ва саллам ўзларини танитиш учун ҳазиллашиб:
- Қул сотиб оладиган кишиман, дедилар.
Зоҳир таниб, ўзининг бадбашаралигига ишора қилиб деди:
- Мен ўтмас молман-да, эй Аллоҳнинг Расули! Мени ким ҳам олар эди?!
Набий саллоллоҳу алайҳи ва саллам дедилар:
- Сен Аллоҳнинг ҳузурида қимматсан!
@xazrati_usmon

СЕН АЛЛОҲ ҲУЗУРИДА ҚИММАТСАН!

Иффатнинг фазилатлари
1. Ҳаё – бу нафсни шаръий ёки ақлий жиҳатдан ёмон деб ҳисобланган ишлардан тийишдир.
2. Сабр – бу нафсни орзу ҳавасларга эргашишдан тийишдир.
3. Иффат – бу шаҳват қўзғалган пайтда ҳам ўзини босиқ ва тийиб туришдир.
4. Назоҳат (поклик) – молни хорликсиз ва зулмсиз топиш ҳамда уни муносиб жойга сарф қилиш; исроф ва зулмдан сақланишдир.
5. Қаноат – кифояга рози бўлиш, кирим ва чиқимни меъёрда ушлашдир.
6. Виқор – мақсадга интилишда шошилмаслик, оғир-босиқлик билан ҳаракат қилишдир.
7. Ҳилм – гўзал муомала ва мулойимликдир.
8. Ҳусни самт – одоблилик ва инсонни камолга етказадиган яхши кўриниш (ахлоқ)дир.
9. Вараъ – шариат ва урфга мувофиқ ҳолда яхши амалларни доим қилишдир.
10. Интизом – ишларини тартиб билан, фойдали тарзда режалаштириб бажаришдир.
11. Саховат – берилиши лозим бўлган нарсани муносиб жойга беришдир.
Доктор Салоҳ Абул Ҳаж
Дўстларингизга ҳам улашинг!!!
@xazrati_usmon

"Рамазондан кейин рўза тутувчи бўлсанг, Муҳаррамни тут!"
Али розияллоҳу анҳу дедилар:
«Бир одам келиб, Набий соллаллоҳу алайҳи васалламдан:
—
«Рамазондан кейин қайси ой рўзасини тутишимни амр қиласиз?»
деб сўради.
—
«Агар Рамазондан кейин рўза тутувчи бўлсанг, Муҳаррамни тут. Чунки у Аллоҳнинг ойидир. Унда Аллоҳ бир қавмнинг тавбасини қабул қилгандир ва бошқа қавмларнинг ҳам тавбасини қабул қиладир»
, дедилар».
📌
Термизий ривоят қилган ва ҳасан, деган.
📚
"Ҳадис ва ҳаёт", "Рўза"
.
@xazrati_usmon

Муҳаррам ойи бошланди
📜
Абу Ҳурайра розияллоҳу анҳу марфуъ* тарзда ривоят қилади:
«Фарз намозлардан кейин энг афзал намоз қайси? Рамазон ойидан кейин энг афзал рўза қайси?»
деб сўрашди. Шунда у зот:
«Фарз намоздан кейинги энг афзал намоз тун ярмидаги намоздир. Рамазондан кейинги энг афзал рўза Аллоҳнинг ойи муҳаррам рўзасидир»,
дедилар».
*«Марфуъ» – ҳадис турларидан бири бўлиб, луғатда «кўтарилган» деган маънони англатади. Ҳадис илми истилоҳида эса «марфуъ ҳадис» деб шахсан Расулуллоҳ соллаллоҳу алайҳи васалламга нисбат берилган сўз, амал, тақрир ёки сифатларга айтилади.
Имом Муслим ривояти.
@xazrati_usmon

Муҳаррам ойи бошланди
🔳
Абу Усмон Наҳдий раҳимаҳуллоҳ:
"(Ўтган солиҳ салафлар)
уч ўн кунликни ҳурматлашар эди:
1.Рамазоннинг охирги ўн куни;
2. Зулҳижжанинг аввалги ўн куни;
3. Муҳаррамнинг аввалги ўн куни", деди.
Ибн Ражабнинг "Латоифул маъориф" асаридан.
@xazrati_us
mon

Аммо қайсидир сабабларга кўра Аллоҳнинг муқаддас уйига бориш (ҳозирча) насиб қилмаган дўстларим, мен сизларга шуни айтаманки, албатта Аллоҳ субханаҳу ва таоло қайта-қайта назардан ўтказади. Баъзида Аллоҳнинг уйини ҳаж қилиш учун бора олмай қалбида унинг шавқи алангаланаётган инсонга ҳам унинг иштиёқи сабабидан Аллоҳ таоло ҳажнинг савобини ёзади.
Ҳа, шундай!
Имом Бутий
@xazrati_usmon

Гиёҳвандликдан ёшларимизни асрайлик.
Ислом дини мусулмонларнинг ақли, насли, жисми, дини, мол-мулки, шаъни каби энг муҳим асосларини муҳофаза қилишга буюрган. Булардан бирига қилинган тажовуз динимизда инсоннинг бутун борлиғига қилинган тажовузга тенглаштирилади. Аммо кишилик жамиятида шундай иллат ва балолар борки, улар юқорида тилга олинган барча инсоний асосларга бирданига таҳдид қилади. Ана шундай ҳалокатли иллатлардан бири гиёҳвандликдир.
Ҳозирги асримизда гиёҳвандлик балоси инсоният ҳаётига жиддий хавф солаётган, унинг азиз ва мукаррамлигига путур етказаётган машъум иллатлардан бири бўлиб турибди.  Гиёҳвандлик Аллоҳ таоло инсонга ато этган жон, жисм ва ақл неъматларининг заволига сабабчидир. Зеро, бу Аллоҳнинг яратиш ҳикмати ва таълимотига зид ишдир.
Қуръонда Аллоҳ таоло бундай огоҳлантиради: “…Ўз қўлларингиз билан ўзларингизни ҳалокатга ташламанг”[1]. Яна бошқа бир ояти каримада эса бундай зикр этилади: “…ўзларингизни ўлдирмангиз! Албатта, Аллоҳ сизларга раҳм-шафқатлидир”[2].
Аллоҳ таоло ушбу оятлар билан инсонларнинг ўз жонларига қасд қилмасликларига буюрган. Бундан бирор инсон ўзига ҳам, атрофидагиларга ҳам жабр қилиши, зарар етказиши мумкин эмаслиги келиб чиқади. Инсоннинг гиёҳванд моддалар истеъмол қилиб, ўз жонига қасд қилиши улкан гуноҳдир.
Исломда гиёҳвандликнинг зарар ва офати ҳақида уламолар кўплаб асарлар ёзишган, жумладан, Имом Саноний шундай деган: “Гиёҳвандлик нимадан тайёрланган бўлишидан қатъий назар маст қилдими ёки афюн каби нарса бўлиб истеъмол қилинишида кайф бердими-у мутлоқ ҳаромдир”. Ханафий мужтаҳид олимлардан Ибн Обидин ҳазратлари Ибн Ҳажардан нақл қилиб шундай дейди: “Банг – афюн истеъмол этишда 120 хил диний ва дунёвий зарар, офатлар бўлади”.
Гиёҳвандлик оқибатида ўнлаб тузалмас касалликларга йўлиқиш, бевақт ўлим ҳолатлари, мажруҳ, ақли ноқис фарзандлар туғилиши исботланган. Бу эса инсоннинг ўз жонига қасд қилиш билан баробардир. Зеро, инсон ўз жонига қасд қилиши улкан гуноҳлиги барчамизга маълум. Бундан ташқари, ушбу зарарли иллат инсонни ўта ялқов, камғайрат, оиласига бепарво, ҳамиятсиз, жинсий ожиз қилиб қўяди, мия фаолиятини сусайтиради, кўзини хиралаштиради, тишлари тўкилиб кетади.
Яна Ислом қонунларида Гиёҳванд моддаларини истеъмол қилиш, уни сотиш ва унинг тижоратидан келган фойда ҳам ҳаром саналади. Барчаларимиз ўсиб келаётган ёшларимизни, жондан азиз фарзандларимизни гиёҳвандлик йўлига кириб кетмаслиги учун доимо уларни назорат қилиб боришимиз, илму-ҳунар ўргатишимиз, жисмоний меҳнат ҳамда спорт билан шуғулланишига алоҳида эътибор беришимиз лозим бўлади. Бундай долзарб муаммони бир тоифа ёки бир шахсни зиммасига юклаш билан ижобий хал қилиб бўлмайди. Бу ишга барча биринчи галда ота-она, махалла, билим юртидаги ўқитувчилар боринки халқ бирлашиб курашмоғи лозим.
Чортоқ тумани Ҳазрати Усмон масжиди имом хатиби Нишанов Мансурхон

Авваллари…
​​
🔠
Аслида қуйида ёзадиганларимиз ҳозирги кунда одамлар орасида анча унут бўла бошлаган одатлардир! Балким, ҳали унут бўлмагандир. Яхши гумон қиламиз...
Мудом олдинга юриб, келажак билан гаплашган яхши, лекин ўтган кунларимизда ҳам қолиб кетаётган бир нималар бордек...
—
Авваллари ота ўтирган уйнинг томига чиқилмаган.
🔠
— Ота-она ва ёши улуғлар ўтирган пайтда бола ёнбошлаб ётмаган.
Қўшнининг боласи ўйнагани чиққанда, дастурхондан насиба берилган.
—
Нон ёпилганда қўшнининг димоғига ҳиди киргани учун, икки дона нон чиқариб берилган.
🔠
— Қўшнини қибласини тўсиб,  баланд уй қурилмаган, шамолдан тўсилмаган.
—
Уй қурилганда тарновини қўшнининг ерига тушмаслигини тадбири қилинган.
🔠
— Деҳқонлар ҳосил олганда, қовунми-тарвуз йўл бўйига мусофирлар учун насиба олиб чиқариб қўйишган.
—
Оталар ўсмир қизчаларини йигитлари бор уйларга нарса сўрашга чиқазишмаган...
🔠
— Бош кийим-кийимларнинг боши бўлган! Эркаклар дўпписини ечмаган, эрли аёл-рўмол, қизлар-дўппи, эри ўлган кампирлар ёрининг оқ кўйлагини ёпиниб юришган. Халқ ўртасида «қизи юзини ерга қаратди» деган иборанинг келиб чиқишига ҳам дўппи  мавзусининг алоқаси бор. —
Қизи ёмон иш қилган оталарнинг дўпписи халқ ичида бошидан олиб ерга ташланган.
🔠
— ТВда кўрганимиз - аёлу эркак аралаш аскиявозлик - бу операторларнинг ижод маҳсули холос. Аёллар эркаклар билан кулишиш тугул, икки эркак ўртасидан кесиб ўтмаган.
— Уйидаги ҳар пишган мевадан қўшнига насиба илинишган.
—
Қуръон қўйилган токчага, қиблага ва катталар ўтирган томонга қараб оёқ узатилмаган.
🔠
— Ҳар бир уйнинг меҳмонхонасида қиблани билдирувчи меҳроблари бўлган, токчалар Мусҳаф қўйилиши учун белдан тепада қилиб қурилган.
—
Қизлар «турмушга чиқиш, эрга бериш» мавзулари очиқланган давраларда ўтиришлари уят ҳисобланган.
🔠
— Йигитлар ота бўлганда, ҳаё сабабли фарзандини ота-онаси олдида эркалатмаган.
Бу рўйхатни анча давом эттириш мумкин...
@xazrati_usmon