Zafarbek Solijonov
Сенат Парламентлараро иттифоқнинг навбатдаги глобал конференциясига тайёргарликка старт берди
Шу йилнинг 4–6 сентябрь кунлари кўҳна ва ҳамиша навқирон Самарқанд шаҳри
Парламентлараро иттифоқнинг Ёш парламент аъзоларининг XII глобал конференциясига
мезбонлик қилади.
Бугун Сенат Раиси Танзила Нарбаева раҳбарлигида конференцияни юқори савияда ўтказиш бўйича Ташкилий қўмитанинг йиғилиши бўлиб ўтди.
Йиғилишда конференцияга тайёргарлик кўриш, уни юқори савияда ташкил этиш ва кенг жамоатчиликка етказиш бўйича ишлаб чиқилган чора-тадбирлар ҳамда белгиланган вазифалар муҳокама қилинди.
Самарқанддаги анжуманда ёш парламент аъзолари ёшлар ҳуқуқларини ҳимоя қилиш, рақамли трансформация, бандлик, сиёсий иштирок ҳамда хотин-қизлар ва ёшларга нисбатан зўравонликнинг олдини олиш каби долзарб масалалар муҳокама қилинади.
Глобал конференция доирасида Барқарор ривожланиш мақсадлари ойлигига бағишланган тадбирлар ҳам ўтказилади.
Парламентлараро иттифоқдек нуфузли ташкилотнинг иккинчи бор Ўзбекистонга ишонч билдириб, мамлакатимизда йирик анжуман ўтказаётгани бежиз эмас. Бу аввалги ҳамкорлик ва юқори даражадаги ташкилотчиликдан кўнгиллари тўлди дегани.
😎
👉
@Zafarbek_Solijonov
24 июль куни (Нью-Йорк вақти билан кеча) БМТ Бош Ассамблеясида Ўзбекистон ташаббуси билан парламентларнинг ижтимоий ривожланишдаги ролига бағишланган
резолюция
қабул қилинди.
Бу ташаббус Президент Шавкат Мирзиёев томонидан Тошкентда ўтган Парламентлараро иттифоқнинг 150-Ассамблеясида илгари сурилган эди. Ўша ерда бошланган ташаббус энди БМТ даражасида қўллаб-қувватланди.
Ҳужжатга 61 давлатнинг ҳаммуаллиф бўлиши оддий ҳолат эмас. Бундай қўллаб-қувватлов бир кунда шаклланмайди. Бунинг ортида узоқ музокаралар, дипломатик иш ва ўзаро ишонч туради.
Яна бир эътиборли жиҳат бор. Резолюция айнан 24 июль куни қабул қилинди. Бу сана Президент Шавкат Мирзиёев ва Сенат Раиси Танзила Нарбаеванинг туғилган кунига тўғри келди. Буни шунчаки тасодиф дейиш мумкин. Лекин баъзан тарих айрим саналарга ўзига хос рамзий маъно ҳам беради.
Тошкентда 150-Ассамблеянинг муваффақиятли ўтказилиши ва бугун ўша ташаббуснинг БМТ минбаригача етиб бориши ортида катта меҳнат бор. Катта натижалар кўпинча бир кунда пайдо бўлмайди. Сенат Раисининг яқинда “Эл-юрт ҳурмати” ордени билан тақдирланганини ҳам мана шу меҳнатларнинг натижаси эканини кўриш мумкин.
Сиёсатда таъсир баланд овоз билан эмас, қабул қилинган қарорлар билан ўлчанади. Баъзан битта ғоянинг дунё томонидан тан олиниши энг катта натижа бўлади. Сенат эса бугун ана шу натижани кўрсата олди.
👉
@Zafarbek_Solijonov
Мудофаа сиёсатини кескин бошқатдан кўриб чиқиш керак. Дронлар асри киргач, кераксиз штатлар минглаб бўлиб кетди. Армия боқиш сиёсатидан қочиш керак. Харажатни дрон сотиб олиш, ўзимизда ишлаб чиқариш, уни бошқаришга ўқитиш кабиларга сарфлаш керак.
Армиямизда, хусусан артиллериямизда эллик йил олдин модадан қолган техникалар тиқилиб ётибди. Унга ёқилғи қуйгунча, дронлар казармани вайрона қилиб бўлади. Ўзларингча монтаж қилиб, ролик чиқаришингиз иш бермайди энди. Уруш қоидалари, шароит буткул ўзгарди. Вазирлик вақтида кўзини очиши керак.
👉
@Zafarbek_Solijonov
Ўзбекистон ҳақидаги ҳикояни энди бошқалар ҳам айтаяпти
Ҳар бир мамлакат ўзини дунёга танитишга интилади. Лекин энг катта ютуқ сен ҳақингда бошқалар ҳикоя қила бошлаганда юзага келади.
Ислом цивилизацияси маркази ҳақидаги фильмларнинг Euronews каби нуфузли телеканалларда эфирга узатилгани айнан шу жиҳат билан аҳамиятли. Бу фильмлар орқали Ўзбекистон ҳақидаги ҳикояни фақат ўзимиз эмас, халқаро медиа ҳам ўз аудиториясига етказмоқда. Бу эса мамлакатимиз тарихи, маданияти ва цивилизацион мероси жаҳон ахборот маконида қизиқиш уйғотаётганини англатади.
👉
@Zafarbek_Solijonov
Мана шу Бандихон аҳолисига ҳурматим ошди. Давлат аҳолисининг соғлиғи хавфсизлигига жавобгар. Буни давлат идоралари орқали амалга оширади. Аҳоли ўз ҳаётини ўзи асрашга мажбур бўлгач, шу йўлни қилган. Болаларини ҳимоя қилган. Молодец!
Ҳали тепада қанча пулингизни ўзлари ва оиласининг яхши яшаши учун ўғирлашаётганини билсангиз эди...Ҳали ҳаққингизни кўп талаб қилишингиз керак...
👉
@Zafarbek_Solijonov
Пекинда тақдим этилган ҳамкорлик дастури нимаси билан аҳамиятли?
Пекиндаги Ўзбекистон элчихонасида тақдим этилган ҳамкорлик дастури бир жиҳати билан эътиборимни тортди. Унда фақат умумий ниятлар эмас, балки аниқ режалар эълон қилинди.
Қўшма музей кўргазмалари, археологик экспедициялар, илмий нашрлар, мультимедиа экспозициялари, музей мутахассислари алмашинуви ва таълим дастурлари... Буларнинг барчаси икки мамлакат ўртасидаги маданий ҳамкорликни амалий босқичга олиб чиқади.
Маданий мерос ҳақида кўп гапириш мумкин. Аммо уни ўрганиш, сақлаш ва жаҳонга танитиш бўйича аниқ дастурлар қабул қилиниши эса янада муҳим. Назаримда, айнан шу жиҳат мазкур ташрифнинг энг катта натижаси бўлди.
👉
@Zafarbek_Solijonov
Президент фармонига мувофиқ,
таваллудининг 70 йиллиги
муносабати билан Ўзбекистон Республикаси Олий Мажлиси Сенати Раиси
Нарбаева Танзила Камаловна
“Эл-юрт ҳурмати” ордени билан мукофотланди.
Чин дилдан табриклаймиз!
👉
@Zafarbek_Solijonov
Тошкент–Самарқанд автомагистралини Хитойнинг COVEC компанияси қуради
Тошкент–Самарқанд йўналишидаги янги пулли автомагистрални Хитойнинг China Overseas Engineering Group (COVEC) компанияси
қуради
. Компания дунёдаги йирик темирйўл ва транспорт инфратузилмаси лойиҳаларини амалга ошириб келаётган Хитой темирйўллари корпорацияси таркибига киради.
Лойиҳа доирасида 282 километрлик замонавий автомагистрал барпо этилади. Йўл интеллектуал транспорт тизими билан жиҳозланади, ҳаракат хавфсизлигини таъминловчи электрон таблолар ўрнатилади ҳамда ҳар 50 километрда сервис ҳудудлари ташкил этилади. Шунингдек, қурилишда маҳаллий қурилиш материаллари ва ишлаб чиқарувчиларнинг улуши камида 50 фоизни ташкил этиши белгиланган.
Менимча, йирик инфратузилма лойиҳаларида катта тажрибага эга компанияларни жалб қилиш тўғри қарор. Хитой компаниялари сўнгги йилларда дунёнинг турли мамлакатларида минглаб километр автомобиль йўллари ва магистраллар қурган. Шу боис уларнинг тажрибаси Тошкент–Самарқанд йўлини ҳам сифатли, замонавий ва узоқ йиллар хизмат қиладиган магистралга айлантиришига ишонаман.
👉
@Zafarbek_Solijonov
Тошкент шаҳрида одамлар ўта норози бу ҳолатлардан. Ҳокимга чора кўрилмаётганига қараганда бу "соққали ишлар"га унинг алоқаси йўқ, тепадагиларнинг иши, ёки ҳаммаси бир келишувда, шунга бир-бирини айбдор қилишга шошмаяпти, ёки бўлмаса, одамларни умуман эшитмай қўйишган. Президент гаплари ва амалиёт икки хил бўлиб қолгандек.
👉
@Zafarbek_Solijonov