Zukhridin Al-Hanafi
Өз қадірін білмеген адамға обал жоқ.
Ілімге деген әдепсіздіктердің төресі – ілім алушы атанып, бірақ ілім талаб етпеу шығар.
Ғибадаттарда ойдың сол ғибадатта болуы маңызды. Намазда болсын, зікір де болсын. Ілім талаб ету де үлкен құлшылық, әр адамға міндет құлшылық. Ілім алар кезде де ойың толықтай ілімде болу шарт. Денең сабақта, ойың жан-жақта жүрсе ілім ала алмайсың. Ден қойып оқу, ден қойып тыңдау, ден қойып мәселені ойлау маңызды, өте маңызды. Енді оған қол жеткізу үшін ойыңды бөлетін заттардан аулақ болу қажет. Ойыңды ілімнен басқаға бұратын заттардан алыстап, тәрк етпесең, бірден айтсақ түбінде ілімді тәрк етесің.
Парақшаны Алланы дәріптеу үшін ашып, өзіңді дәріптеп кетсең Құдайдың ұрғаны сол болар. Тез-тез пікір қылып, тәубеге келіп отыру керек. Шайтан мен нәпсі қоймайды ғой.
Өз қадірін білмеген адамға обал жоқ.
2026 жылы Татарстан еліндегі Қазан қаласында өткен халықаралық жарыста Алланың қалауымен 2 орын алдым. Нәтижені барлығы білгенмен, нәтижеге себепші болған асыл жандарды кейбір адамдар біле бермес. Өйткені, бұл жеңіс тек менің емес, осы жолда көмектескен ұстаздардың…
2026 жылы Татарстан еліндегі Қазан қаласында өткен халықаралық жарыста Алланың қалауымен 2 орын алдым.
Нәтижені барлығы білгенмен, нәтижеге себепші болған асыл жандарды кейбір адамдар біле бермес. Өйткені, бұл жеңіс тек менің емес, осы жолда көмектескен ұстаздардың да жеңісі. Қысқаша айтып кетсем:
- Бейсенали Олжас ұстаз. Алғаш сарф пәнін не екенін көрсетіп, база қалыптастырған ұстаз. Кеше болғандай болса да, қазір қарасам 7 жыл бұрын сол кісінің сарф видео сабақтарын сатып алып, толық аяқтап шыққан едім.
- Боханов Ерболат ұстаз. Маған нахву пәнінің дәмін татқызған ұстаз. Тек араб тілін емес, нағыз көркем мінезді үйректен алғаш ұстаздарымның бірі.
- Жүсіхпан ұстаз. Қазақстанның оңтүстігінің түбінде болған Сарыағаш қаласындағы адамдар арасында белгісіз болса да, Құдайдың құзырында дәрежесі биік ұстазым. Бұл кісінің маған аударма және нахву саласындағы көмегі зор.
- Доктор Шариф Мухаммад. Медресемізде болған менің алғаш көрген араб ұстазым. Мені шәкіртіндей емес, өзінің інісіндей қадірлеп, ізет көрсеткен ұстазым.
Бұл араб тіліне қатысты маған өздерінің негізгі үлестерін қосқан ұстаздар. Әрине, бұл ұстаздар туралы көп жазса болады, алайда, қазірше тек кіріспе ретінде жазайын деп шештім.
Зухридин ұстазым болса, ол кісіні таныстыру үшін пост емес, посттар да емес, толық кітап керек.
Алла қаласа жалғасы болып қалар!
Темірлан маған шәкірттен де жақынырақ. Әр жеңісі мен жетістігі мен үшін өз жетістігімдей. Татарстанға барып, 22 ел қатысқан жарыста араб тілінен екінші орынды алды. Бірақ мен үшін ол бірінші орынды алды. Бірінші болып қала береді. Оны қарсыласымен арасындағы бірнеше балл екінші орынға түсірмейді.
Осы жарыста бір ғана нәрсе қиын болды. Татарстанда интернет жағы қиын болып, көп байланыса алмағанымыз ғана.
Бір кісі ант ішеді. Бірақ оның антына қатысты мәселені фақиһтар шеше алмайды. Содан оған басқа қалаға барып, сол жақтағы ғалымдардан сұрауға кеңес береді. Әлгі кісі жолдың алыстығын айтып қиналғанда, оған:
“Дінін ойлаған адам үшін ол жер алыс емес”, – деп айтылады.
[Пайғамбарлардың мұрагерлері]
Сыншыл бол!
Өзгеге емес, ең алдымен өз сөзіңе сын көзбен қара!
Әр сөзіңді айтпас бұрын ой елегінен өткізіп, өзіңнен сұра:
«Бұл сөзім дұрыс па?»
«Осы жерде айту орынды ма?»
«Мұны айтуым қажет пе?»
Сөзіңді айтпай тұрып сынға ал, сұрыпта. Сонда кейін өкінетін сәттерің де азаяды.
Бүгін өзіңді қатаң есепке алып, сөзіңді түзесең, ақыреттегі есебің де жеңіл болар, ин ша Алла!